mi Nachbar hett ke Ahnig vo mim Zuestand
är hett gar ke Ahnig was i düre mache
egau ob i gränne oder ob i lache
ob i vögle oder bache - är weis es nid
mi Nachbar wetti's äuä gar nid wüsse
ob i strite oder ob i küsse
ob i bade oder ob i mir eine lade
u wenn i stirbe seit är mir nid emau me ade
mi Nachbar
u immer wenn i's mau chli luschtig ha
e Würschtli brätlen uf dr Veranda
wenn i mau chli mit dr Margrit g'spasse
Geburi ha oder wenn ig jasse
mi Nachbar dänkt vo mir i sig en Abart
für mi isch är no schlimmer aus dr Abwart
ihm passt nid dass i da äne wohne
am liebschte wär ihm äua es wäri hie e'kene
mi Nachbar
u wenn i nach de Nüüne immer no ging B'suech ha
de faat är sofort aafa flueche - a d'Wand pole u rueche
vor de Gescht mues i mi schäme
schöne Aabe ade zäme
New York duo showcase an enigmatic blend of math rock guitars, pop-punk sing-a-longs, emo confessionals, and even rave-ready synths. Bandcamp New & Notable Nov 15, 2023